Wednesday, 23 May 2012

சமனி



குடித்து மயங்குறு !
கூதலில் களித்திரு !
குறைவரு கூடல் கொள் !
மெய்மைக்கோ பொய்மைக்கோ
மெல்லியலாய் சன்னமென சலனிக்கும்
உன்னகத்தை பின்னமெனக் கொன்றுவிடு !
உறவறு !
மெய் மற !
சாக்தமாய் சிவனாய் எண்திசையும்
உனை நோக்க
மோட்சத்தில் மூழ்கிடவாய்
சிந்தையில் சிதையேற்றி உன்னில்
நீ எரிந்து விடு !
தர்க்க நியாயம்
அறம் நீதி மறம் மனு
அத்தனையும் வான் நோக்கி
எறிந்து விடு....... !
உனக்குள்ளே உன்னை நீ
அகழ்ந்து எடு.....
சலனமறு வெற்றிடமாய்
சமனித்துப் போ.....!


No comments:

Post a Comment